«Ларри»: Гиллиан Джейкобс триллердің жұлдызы болады
Гиллиан Джейкобс («Ибица», «Компанияның жаны») Amblin Entertainment студиясы түсіретін «Ларри» триллерінің жұлдызы болады. Бұл жоба екі басты кейіпкерді суреттейтін фильм ретінде сипатталады және концепті бойынша 1999 жылғы басты рөлдерді Брюс Уиллис пен Хэйли Джоэл Осмент сомдаған «Алтыншы сезім» таспасын еске түсіреді. Джейкобстың түсірілімдегі серіктесі жас Ажи Робертсон («Демалыс», «Жалаңаш Джульетта») болмақ.
Бірнеше қысқаметражды таспаларды түсірген Джейкоб Чейз «Ларридің» режиссері әрі сценарий авторы болмақ. Түсірілімі 2 қазанда Торонтода басталатын фильмнің экранды хикаясы кішкентай бала (Ажи Робертсон) мен отбасының мәселелері жайлы баяндайды. Олар смартфон мен планшет секілді электронды құралдар арқылы тіріле алатын құбыжықтың басты нысанасына айналады.
«Ларри» жобасы Чейз бұрын қойылған қысқаметражды хоррорға негізделген және атмосферасы жағынан Amblin Entertainment-тің тылсым күштің соққысына тап болған жанұя туралы әңгімелейтін «Полтергейст» және «Ана» хорроры сынды алдыңғы таспаларын еске салады. Анығы, «Ларри» «Тыныш мекен» сияқты аз бюджетті әрі көрермендердің пікірін тудыратын, жақсы құрылған концепциясы бар таспалардың кезінде жарыққа шықты.
пікірлер жоқ, бірінші болыңыз
Пікір қалдыру үшін