Леонардо ДиКаприо Квентин Тарантиноның фильмінде қанішердің рөлін сомдайды
Deadline басылымының хабарлауынша, Леонардо ДиКаприо Квентин Тарантиноның фильміне басты рөлге шақырылған екен, яғни актер сериялық қанішер, «Жанұя» сектасының жетекшісі Чарльз Мэнсонды сомдайды. Белгілі режиссердің жаңа жұмысының әзірге атауы жоқ. 1969 жылы «Жанұяның» мүшелері Мэнсонның тапсырысымен АҚШ-та қанды қылмыс жасайды. Танымал актриса, кинорежиссер Роман Поланскидің әйелі, ішінде тоғыз айлық баласы бар Шэрон Тейтті осылар өлтіріп кетеді.
Мэнсон туралы фильмнің түсірілімі ДиКаприо үшін 2015 жылы жарыққа шыққан Алехандро Иньярритудың «Тірі қалған» картинасынан кейін біріншісі болмақ. Актер осы таспадағы рөлі үшін «Оскар» иеленген. Леонардо ДиКаприо Квентин Тарантиномен бұрын да жұмыс істеген. 2012 жылы ол «Босатылған Джангода» басты рөлдердің бірі, қатігез құл иеленуші Кэлвин Кэндиді сомдаған.
Тарантино фильміндегі оқиға 1969 жылы Лос-Анджелесте өрбиді және Мэнсон мен тобының сериялық қылмыстарына тоқталады. Марго Робби («Өзін-өзі өлтірушілер тобы», «Тоня барлығына қарсы») Шэрон Тейт рөліне дайындалуда. Бұл Тарантиноның Weinstein Company-дің қатысуынсыз түсірілетін алғашқы фильмі болмақ. Былтырғы жылдың қарашасында Sony фильм құқығын сатып алып, кинонарықтың ірі ойыншылары Warner Bros. пен Paramount-ты шарлап шыққан. Бұл хикаяның тұсаукесері 2019 жылдың 9 тамызына жоспарланып отыр.
1 пікір
Пікір қалдыру үшін
Даник
15 января 2018, 18:20Лео мұндай образда қалай болар екен, қызық?!