«Жаз»: Кирилл Серебренниковтың жаңа жұмысы мен музыкасы жайлы
Кирилл Серебренниковтың «Жаз» фильмі «Кино» тобының алғашқы альбомы - «45» альбомының жазбасы кезінде болған оқиғаны баяндайды. Сондықтан, картинада сол уақытта Виктор Цой тобымен бірге айналысқан әндер шырқалады. Олар - «Алюминий қиярлар», «Сегізінші сыныпта оқитын қыз», «Қаңғыбас №2» және т.б. секілді белгілі туындылар. Жалпы, фильмде Виктора Цойдың 11 әні (10 кавер мен 1 түпнұсқа ән) және «Зообақ» тобының алты әні шырқалады.
«Бізде хронологияны сақтау мақсат болды, сондықтан 1982 жылғы әндерді ғана пайдаландық, - дейді Рома Зверь. – Оның кейбірі фильмде саундтрек ретінде, ал бірі сахналық көріністе немесе дайындық кезінде ойналады. Кейбір шығармалар түсірілім барысында қосылды: біз қандай әннің көңіл-күйге, сюжетке және мағынаға сай келетінін ойладық. Бір қызығы, әндердің барлығы бізге сай еді, құдды бір сюжетіміз үшін арнайы жазылып қойғандай. Мысалы, «Зообақ» тобын айтар болсақ, олардың «Тәтті N» және «Жаз» әндері фильмге жақсы үйлесе кетті».
Сонымен қатар, картинада шетел орындаушыларының шығармалары шырқалады. «Кирилл Серебренниковтың идеясы сол уақыттағы біздің музыканттардың қалай шабыттанғанын көрсету болды. Әрине, бұл музыканың бізге Батыстан келгені түсінікті және режиссер фильмде кейіпкерлеріміздің осы әуенге қалай жолығып, қалай ғашық болғанын көрсетеді», - деп түсіндірді продюсер Илья Стюарт.
«Жаз» Meloman Entertainment компаниясының таратуымен 2018 жылдың 7 маусымында айналымға шығады.
.jpg)
пікірлер жоқ, бірінші болыңыз
Пікір қалдыру үшін