«Әділдік одағы»: Эзра Миллер туралы 5 дерек

26 Қараша, 2017
Мадина
1 075
0

Экранға «Әділдік одағы» шыққалы бері Эзра Миллер есімі танымал бола бастады. 25 жасар актер Бен Аффлек, Галь Гадот, Джейсон Момоа және Генри Кавелл сынды актерлармен бірге «Әділдік одағы» фильмінде басты рөл – Флэшты сомдады. Бұл жақында оның әдемі бейнесін кадрда жиірек көретін боламыз дегенді білдіреді. Төменде Эзре туралы маңызды 5 дерек ұсынамыз, осыдан кейін оның жанкүйерлері көбейе түсетін сияқты.

1. 2018 жылы ол DC әлемінде «Флэш» атты жеке фильміне ие болады.

Эзра алғаш рет экранға Флэш ретінде «Бэтмен Суперменге қарсы: Әділдік таңында» фильмі арқылы шықты, кейіннен «Өзін-өзі өлтірушілер» картинасындағы рөлге ие болды. Қазіргі таңда 2018 жылға жоспарланып отырған жеке фильмінде Барри Алленді тағы да сомдауға дайындалып жүр.

2. Ол танымал болып көрінеді.

Егер сіз «Жуас болған қандай жақсы», «Кевинге бірдеңе болды» немесе «Фантастикалық мақұлықтар және олардың мекендейтін жерлері» картиналарын тамашалаған болсаңыз, онда бұрын экраннан Эзраны көрдіңіз деген сөз.

3. Ол топта ойнайды.

Эзра үш адамнан тұратын «Sons of an Illustrious Father» тобында дабылда ойнайды және вокалға жауап береді.

4. Ол – опера әншісі.

Эзра бала күнінде тұтығып сөйлейтін. Сондықтан, тіл кемістігімен күресуі үшін опералық ән сабақтарына барып жүрген, кейіннен Метрополитен Операда ән салып, 2001 жылы Филип Гласстың «Ақ Құзғын» атты заманауи операсының американдық тұсаукесерінде ән шырқады.

5. Ол өзін эксцентрик ретінде көрсетеді.

2012 жылы Эзра Out Magazine-де өзінің сексуалды жағдайы туралы ашық айтқан: «Мен – эксцентрикпін, мен – біртүрлімін. Менің түрлі жынысты, сексуалды жағдайлары әр түрлі тамаша достарым бар. Олардың жеке бастарының мәселесі маңызды емес, мен барлығын өте жақсы көремін». Актер сондай-ақ, өзінің сексуалды қалыптасу кезеңінде «мектепте бір баланы сүймек болғаны» туралы да ашық айтқан.