«Өмірімдегі ең жақсы күн»: Сара Джессика Паркер өмірінен 24 сағат
Ambi Distribution компаниясы режиссер Фабьен Константтың («Мадемуазель Си») «Өмірімдегі ең жақсы күн» тәуелсіз драмасының ресми трейлерін ұсынды, картинаның тұсаукесерлі көрсетілімі биылғы жылдың басында «Трайбека» американдық фестивалінде өткен еді. Бұл таспаның басты жұлдызы Сара Джессика Паркер («Үлкен шаһардағы жыныстық қатынас» және «Ажырасу») роликте бүкіл таспаның арқауына айналған басты сауалды қояды: «Өмірде жасап жатқан дүниелер ылғи қиындық тудырады, бірақ сіздер әрі қарай әрекет етуге дайынсыздар ма?». Тәуліктің ішінде Констант таспасының кейіпкері өмірдегі өз орнында тұрақтап қалып, жаңа басымдылықты анықтауға тырысады.
«Өмірімдегі ең жақсы күннің» сюжеті бойынша Вивьен (Сара Джессика Паркер) джаз әлемінде беделді тұлға болып табылады. Ол - Нью-Йоркте тұратын танымал әнші әрі жеке шығармаларының авторы. Кезекті музыкалық тур қарсаңында Паркердің кейіпкеріне емделмейтін ауру диагнозы қойылады. Вивьен қысқа ғана уақытта музыкалық мансабында жасалған құрбандыққа көніп, өмірде жанында болғандармен бейбіт өмір орнатуға тырысады.
Басты кейіпкер өмірінде маңызды рөл атқаратын кейіпкерлер көп емес: оның өмірдегі әрбір қадамын бақылауға тырысқан өктемшіл анасы Джин (Жаклин Биссет, «Бастаушыларға арналған сатқындық», «Егіздің сыңары» хикаясы), көпті көрген гастроль менеджері Бен (Коммон, «Нина жайлы», «Әңгіме») және бұрынғы күйеуі Ник (Саймон Бейкер, «Дем», «Жыл беремін»).
«Өмірімдегі ең жақсы күн» драмасы 2018 жылдың 9 қарашасынан бастап көрсетіледі. Афишамызды қарап жүріңіздер.
пікірлер жоқ, бірінші болыңыз
Пікір қалдыру үшін