«M3GAN»: Джейсон Блум мен Джеймс Ван жаңа хоррор өндірісі үшін бірікпек
Продюсер Джейсон Блум («Өткір заттар» хикаясы, «Қиямет түні. Бастама») және режиссер Джеймс Ван («Қарғыс 2», «Форсаж 7») «M3GAN» жаңа хоррорының өндірісі үшін бірігетін болды. Акела Купер («Люк Кейдж», «Жүздік» хикаялары) қанішер-қуыршақ жайлы жобаның сценарийін жазып қойды, түсірілімі осы күзде басталады. «M3GAN» режиссері болып австралиялық Джерард Джонстоун («Үйге байланғандар») тағайындалды.
Блум мен Ван бұрынғы достар және аяқ астынан хитке айналған «Астрал» франшизасынан бастап шығармашылық қарым-қатынас орнатып жүр. Джеймс Ван бұл туралы былай дейді: «Мен үшін Джейсон екеуіміз бірге «Астралмен» жұмыс істеген кездер керемет еді, бұл фильм бізді танымал қылды. Мен неден бастағанымды ұмытпаймын, сол үшін Джейсонға алғысым шексіз. Жасырмаймын, содан бері бірігіп істейтін қолайлы жұмысты іздедік».
Сонымен қатар, Блумның пікіріне назар аударайық: «Егер Джеймс сіздерге бір сағатын бөлсе, оның бағасы шексіз болмақ. Ол әрдайым тамаша ұсыныстар айтады және барлығына деген көзқарасы ерекше».
.jpg)
пікірлер жоқ, бірінші болыңыз
Пікір қалдыру үшін