Медет Шаяхметов пен Азамат Дулатов Скриптонитке жаңа бейнебаян түсіріп берді
Желіде танымал орындаушы Скриптониттің (Әділ Жәлелов –Ред. ескертуі) Jillzay-мен бірге орындаған «Сауық кеші» («Вечеринка») және «Бар - 2 Лесбухи» атты екі композициясына түсірілген жаңа бейнебаяны жарияланды. Бейнероликтің режиссері - Медет Шаяхметов, ал қоюшы-операторы - Азамат Дулатов. Алты минуттық бейнебаянды жарты милионнан астам адам тамашалап үлгерген.
Медет Шаяхметов – қазақстандық жас режиссер. Оның алғашқы «Escape» қысқаметражды фильмі «Sedona International Film Festival» кинофестивалінің байқау бағдарламасына қатысқан. Оның фильмдерінің арасында «Brothers» қысқа метрі мен «Q-елі» телевизиялық ситкомы бар.
«Сауық кеші» мен «Бар - 2 Лесбухи» бейнебаянынан көрініс
Азамат Дулатов – еліміздегі сұранысқа ие операторлардың бірі. Оның қоржынында 20 шақты жоба бар, олардың ішіндегі танымалдары: «Келінка Сәбина», «Шлагбаум», «30 жаста тұрмысқа шығу». Дулатов «Тараз» картинасындағы жұмысы үшін «Genre Celebration Film Festival» Халықаралық фестивалінде белгіленген.
Медет пен Азамат үшін «Сауық кеші» («Вечеринка») бірігіп жасаған бірінші жұмыстары емес. Олар бұрын келесі орындаушылармен бірге жұмыс істеген: Бахтияр Мамедов (JahKhalib) - «Періште шоқжұлдызы», Ғалымжан Молданазар - «Жауап бар ма?», Big Som және Луина - «Жақынырақ», L`One и MONATIK - «Түс».
Превью: Арнай Ормаш
пікірлер жоқ, бірінші болыңыз
Пікір қалдыру үшін