«Құбыжықтар демалыста 3: Теңіз шақырады»: әнші әрі композитор Миша Марвин Кракеннің әнін орындады
Осы аптада «Құбыжықтар демалыста 3: Теңіз шақырады» анимациялық комедиясы айналымға шықты. Белгілі музыкант, әнші әрі композитор Миша Марвин дубляждалған нұсқада теңіз құбыжығы Кракеннің әнін орындады. Бір қызығы, түпнұсқа саундтректе шығарманы поп-идол Джо Джонас орындайтын. Бұл көңілді әннің авторы марқасқа музыкалық продюсер әрі композитор Дэвид Фостер және танымал американдық әнші Майкл Бубле болды.
Миша Марвин трек жазудағы әсерлерімен қысқаша бөлісті: «Алдымен әннің америкалық нұсқасын тыңдадым, кейін маған мәтінін көрсетті, мен оны орындап көрдім. Бұл мен ойлағандай оңай болмады, өйткені сен тек әнді орындап қана қоймайсың, ең алдымен сол құбыжыққа айналып, оқиғаны терең сезінуің керек!».
«Құбыжықтар демалыста 3: Теңіз шақырады» анимациялық комедиясы айналымда жүріп жатыр. Көрсетілім кестесін афишамыздан қарауға болады.
пікірлер жоқ, бірінші болыңыз
Пікір қалдыру үшін