«Әділдік одағы» фильмінің қайта түсіріліміне мұртты Генри Кавилл қатысады
«Warner» студиясы хитке айналған «Ғажайып әйелге» ұқсас болу үшін «Әділдік одағын» қайта түсіруді ұйғарды. Зак Снайдер отбасылық мәселелерге байланысты жобадан кетіп, оның орнына Джосс Уидон келді. Оған қайта түсіруге 25 миллион доллар бөлінді. Жаңа көріністермен жұмыс істеу 2 аптаға созылды. Өзге де жобаларда жұмыс істеп жүргендіктен, барлық актерларды бірге жинау қиын болды. Әсіресе, Генри Кавилл «Орындалмайтын тапсырма 6» атыс-шабыс фильмінің түсіріліміне қатысып жүрген. Ол келісім-шарт бойынша мұртпен жүруі тиіс, оны қырқуға құқығы жоқ еді. Сондықтан, актер «Әділдік одағында» да мұртпен жүруге мәжбүр болды. Бірақ, кейін оны сандық әдіспен алып тастайды.
Ал «Әділдік одағында» Флэштің рөлін сомдаған Эзра Миллер «Фантастикалық мақұлықтар және олар мекендейтін жерлер» сиквелінің түсіріліміне кірісіп кеткен-ді. Нәтижесінде, актерді фильмнің қайта түсіріліміне алып келу оңай болмады, өйткені «Фантастикалық мақұлықтың» жалғасында Миллердің рөлі ерекше.
Ендігі кезекте Warner осындай жобаларға қосымша бюджет пен қайта түсіруге біраз уақыт бөлетін секілді.
1 пікір
Пікір қалдыру үшін
Мырзахмет
30 шілде 2017, 22:32ну это лучше чем ничего. они делают свою работу на славу.