Халық әртісі Тұңғышбай Жаманқұлов пен режиссер Талғад Жаныбековты шартты түрде 7 жылға бас бостандығынан айыру туралы үкім кесілді
Медеу аудандық соты таспа өндірісіне арналған қаржыны жымқырды деп айыпталған «Феникс» фильмінің түсірілім тобына қытысты үкім шығарды. Істің негізгі айыпталушылары: халық әртісі Тұңғышбай Жаманқұлов пен режиссер Талғад Жаныбековке сот шартты түрде 7 жылға бас бостандығынан айыру туралы үкім шығарды. Рақымшылыққа қатысты заңға сәйкес, Жаманқұлов мырзаның шартты мерзімі 3,5 жылға дейін қысқарды.
Естеріңізге сала кетсек, «Феникс» фильмінің айналасындағы дау былтырғы жылдың жаз мезгілінде басталған еді. Сол кезде режиссер Талғад Жаныбеков Мәдениет және спорт министрі Арыстанбек Мұхамедиұлын кинотаспаны әдейі тоқтатты деп айыптап, шағымданған болатын. Ақыры, тергеу жұмыстары жүргізіліп, нәтижесінде жаңа деректер пайда болады. Яғни, мемлекеттің «Феникс» фильмінің түсіріліміне бөлген 79 млн. теңгеге жуық қаржысы түсірілім тобының тарапынан заңсыз меншіктелген болып шықты. Белгілі болғандай, киножобаның продюсері атанған Тұңғышбай Жаманқұлов «Т.К.TURAN UNIVERSAL BUSINESS» ЖШС арқылы өзіне 69 млн. теңгеге жуық қаржыны иемденген. Оның 1 655 276 теңгесін Талғад Жаныбеков өзіне алған.
_35bp.jpg)
Тергеу қорытындысы бойынша, мемлекет қаржысын жымқырғаны үшін «Қазақфильм» киностудиясының экономика және қаржы бөлімінің бұрынғы басқарушы директоры Гаухар Ысқақова мен атқарушы продюсер Наталья Юдина да кінәлі деп танылды.
Шартты мерзімнен бөлек, сот Тұңғышбай Жаманқұловтан Мәдениет және спорт министрінің пайдасына 3,4 млн. теңгеден астам қаржыны талап етіп отыр. Сонымен қатар, әртіс ұрланған 69 млн. теңгені қайтаруы тиіс. Қазіргі таңда олар 6 миллион теңгені беріп үлгерді.
пікірлер жоқ, бірінші болыңыз
Пікір қалдыру үшін