«Эспен троллдар патшалығында» ертегісінің жаңа трейлері
«Эспен троллдар патшалығында» атты шытырманға толы ертегінің тұсаукесері қыркүйектің соңында Норвегияда өткен болатын. Режиссер Миккель Бренне Сандемусе («Рагнарок құпиясы») фильмді барлық жанұяларға арнап түсірді. Көрермен назарына кедей фермада туып-өскен үш ағайындының хикаясы ұсынылады. Олар бір күні Тау Патшасы ұрлап әкеткен ханшайымды құтқарады.
Эспен ағаларымен бірге троллдар патшалығына барып, ханшайымды іздейді. Құтқару барысындағы түрлі қиындықтар, солтүстіктің сұлу табиғаты, норвег ертегілерінің жұмбаққа толы кейіпкерлері, құпиялар – олар осының барлығын кездестіріп, бастарынан өткереді. Басты мақсат – құлдырауға шақ қалған фермер әкелеріне ақша тауып беріп, жанұяларын құтқару. Артқа қайтар жол жоқ.
«Эспен троллдар патшалығында» картинасының тұсаукесері желтоқсан айының басында болмақ.
пікірлер жоқ, бірінші болыңыз
Пікір қалдыру үшін