Нұртас Адамбай: «Бұл қашан тоқтар екен?»
Отандық кинематографшы Нұртас Адамбай әрдайым өзінің азаматтық пікірін ашық білдіреді, ол өзекті мәселе – балаларды зорлауға қатысты тақырыпты көтерді. Жақында Казнетте Оңтүстік-Қазақстан облысындағы 6 жасар баланың зорлықтың құрбанына айналғаны туралы жаңалық пайда болған еді.
Адамбай өз пікірімен және оның шешу жолдарын Инстаграмда бөлісті. Оның айтуынша, мұндай оқиғаның орын алуының басты себебінің бірі – балалардың, жасөспірімдердің санасына дұрыс, оңды әсер ететін фильмдердің жоқтығы.
«Бұл қашан тоқтар екен? Қашан тәртіпке келтіріледі? Елімізде балалардың құқығын қорғау туралы қаншама рет айтсақ та, мұндай жағдайлар жиі бола берсе, сол әңгіменің барлығы бос сөз! ОҚО-дағы баланың зорлау ісі әлі аяқталған жоқ, бірақ жаңалықтарда қайтадан осындай сұмдық оқиғаның болғаны айтылып жатыр. Тағы да алты жасар бала зардап шекті, ал кінәлі – жасөспірім, ол да әлі бала ғой. Адамдар тергеусіз соттау, піштіру, өлім жазасына кесу керек деген пікірлерімен бөлісіп жатыр. Бірақ, бұл жазалар өзекті мәселені шешуге көмектеседі дегенге сенбеймін.
Бар бәле бастан шығады.
Жастарға үлгі көрсетіп, оқытып, тәрбиелеу қажет. Егер қазір еліміздегі жасөспірімдер ақ пен қараны ажырата алмаса, бұл біздің – ересектердің кінәсі! Балаларға ең алдымен біз, мемлекет жауапты. Көбісі менімен келіседі деп ойлаймын, қазір бізде адал балалар киносы ұмытылып қалды. Өз балалық шағымды еске түсірсем, ненің жақсы, ненің жаман екенін үйреткен балаларға арналған кеңестік ақжарқын фильмдер елестейді.
Өкінішке қарай, бүгінде елімізде балалардың, жасөспірімдердің санасын дұрыс жолға бағыттайтын бірде-бір жақсы фильм жоқ. Бізге балалар еліктеп өсетін «дұрыс» кейіпкерлері бар фильмдер керек. Кеш болмай тұрғанда, балаларға арналған жақсы киноларды шығаруға асығуымыз қажет» (Пунктуация мен орфография сақталды. – Ред.), - деп жазды продюсер.
Ол сонымен қатар, келесі мәселені айта кетті, Nurtas Production компаниясы балалар кинокартинасын өндірумен айналысар еді, бірақ жеке студия болғандықтан, ол коммерциялық киноға мұқтаж. Сондықтан, Нұртас Адамбай осы мәселеге қатысты көзқарасын бөлісетін демеушілермен қуана серіктестік орнатуға дайын.
1 пікір
Пікір қалдыру үшін
Мырзахмет
11 шілде 2018, 21:36Да надо всех наказывать