Disney-дің «Кристофер Робин» фильміне арналған дубляждалған ресми трейлері
Walt Disney Pictures студиясы режиссер Марк Форстердің («Сені ғана көремін», «Әлемдер соғысы Z») «Кристофер Робин» шытырманға толы балалар фильмінің дубляждалған жаңа трейлерін ұсынды. Алан Милннің әр балаға таныс кейіпкерлерімен сценаристер Алекс Росс Перри («Алтын жолдар», «Жер патшайымы») және Эллисон Шредер («Жасырын мүсіндер») айналысты. Олар Disney-дің жаңа тұжырымдамасы аясында жұмыс істеді, яғни ескі мультипликациялық таспалар мен жақсы танылған кейіпкерлер тірідей актерлармен бірге түскен кезде, жаңаша күйге енеді.
Басты кейіпкер Кристофер Робин (Юэн МакГрегор, «Сұлу ару мен құбыжық», «Джейн қолына қару алды») өмірде өз орны қалыптасқан ер азаматқа айналды. Бала күнгі ескі досы Винни қонжықпен кездесуі Кристоферге Стоакров орманында жоғалып кеткен достарын іздеуді ғана емес, қайтадан жаңа бақыт табуға мүмкіндік береді. Танымал Empire журналы жоба тұжырымдамасын «Капитан Крюк» пен «Паддингтон хикаяларының» кездесуіне балады.
«Кристофер Робин» Meloman Entertainment компаниясының тартуымен 2018 жылдың 2 тамызында айналымға шығады.
.jpg)
пікірлер жоқ, бірінші болыңыз
Пікір қалдыру үшін