«Жолаушы»: көптен күткен дубляждалған трейлер
Лиам Нисонның («Үнсіздік», «Құбыжықтың дауысы») қатысуымен «Жолаушы» атты дубляждалған көптен күткен трейлер жарыққа шықты. Фильмнің режиссері - Жаума Кольет-Серра, ол «Әуе Маршалы» және «Таяз» фильмдері арқылы көпшілікке жақсы таныс. Басты рөлді сомдаған Нисоннан басқа, «Жолаушы» фильміне Вера Фармига («Қарғыс», «Төреші»), Сэм Нил («Тор: Рагнарёк», «Жабайыларды аулау») және Патрик Уилсон («Астрал 4: Соңғы кілт», «Негізін қалаушы») түсті.
Лиам Нисон ұзақ жылдар бойы жұмысқа күнделікті бір ғана бағытпен, бір ғана пойызбен жүретін сақтандыру агенті Майклдың рөлін сомдайды. Оның ойынша, тәртіпті ештеңе де өзгерте алмайды. Майкл бейтаныс адаммен әңгімелесу барысында соңғы аялдаманың алдында пойызда жасырынған адам бар екенін анықтайды. Бұл жұмбақ белгіленген уақыт ішінде шешілуі тиіс. Майкл соңы өлімге апаратын жоспарды ашқанын түсінеді және күтпеген жерден қылмыстық істі орындаушылардың бірі болып шығады. Ол жанындағы жолаушылармен бірге өмір мен өлім үшін арпалысады.
«Жолаушы» Қазақстандағы айналымға 8 наурыз күні шығады.
пікірлер жоқ, бірінші болыңыз
Пікір қалдыру үшін