Алтыншы «Терминаторда» кейіпкер Сара Коннор пайда болады
Терминаторлар туралы аңыздағы Сара Коннор рөлі арқылы танымал болған Линда Хэмилтон франшизаның алтыншы фильміне түсетін болды.
The Hollywood Reporter басылымының хабарлауынша, бұл туралы «Қиямет күні» 3D-нұсқасының көрсетіліміне арналған шарада Джеймс Кэмеронның өзі айтып берді.
Кэмерон көрермендердің экранда ылғи 50-60 жасар еркектердің жаман жігіттерді өлтіргенін көретінін, қыздар арасында да осындай жандардың болуы керектігін алға тартты.
Осылайша, режиссер экшн-жанрдағы мықты әйелдің образын дамыту үшін Хэмилтонның кейіпкері Сара Коннордың маңыздылығын атап кетті.
Франшизаның алтыншы бөлімі 1991 жылғы «Қиямет күні» фильмінің тікелей жалғасы болмақ. Қойылымымен «Дэдпул» фильмі арқылы таныс Тим Миллер айналыспақ.
Сценарийін Джеймс Кэмерон жазған. Сонымен қатар, автор бірнеше авторлармен бірігіп жоспарланған үш фильмнің оқиғаларын жазуды ойлап отыр.
Алтыншы «Терминаторға» қайтадан Арнольд Шварценеггер қатысады.
пікірлер жоқ, бірінші болыңыз
Пікір қалдыру үшін