Канн көрсетілімінен кейін Андрей Звягинцевтің «Махаббат емес» фильмі туралы алғашқы пікірлер пайда бола бастады
Желіде орыс режиссері Андрей Звягинцевтің «Махаббат емес» фильмі туралы шетел баспасөзінде жазылған пікірлер пайда болды. Барлық сыншылар бірауыздан мұның үздік картина екендігін атап өтті. Әлемдік БАҚ өкілдері 70-Канн кинофестивалі байқауының алғашқы картинасы «Махаббат емес» фильмін қызыға тамашалады. «Sony Pictures Classic» компаниясы картинаның Солтүстік және Латын Америка аумағындағы айналымының құқығын сатып алды.
Көрсетілімнен соң баспасөз өкілдері режиссерге ұзақ қол соқты.
Ал польшалық журналист өзінің Twitter парақшасына байқаудың алғашқы фильмінің жоғары деңгейде болғандығын жазған. «The Guardian» басылымының танымал кино сыншысы Питер Брэдшоу драманы бес жұлдызды жоғары балмен бағалады. Ол аталмыш картинаның отбасылық өмірдің ережелерін саралап, әрдайым махаббатты бағалап отыруға, тереңнен ойлануға септігін тигізетінін айтты.
What a first movie to show in competition #Cannes2017 #Loveless doesn't disappoint. Perfectly crafted family drama from master Zvyagintsev
— Rado Folta (@rdfolta) 17 мая 2017 г.
Ал басқа сыншылар Звягинцевтің драмасы тек тұрмыстық қарым-қатынастарды ғана ойлаған Ресейдегі ересек азаматтардың күнделікті өмірі бейнеленген дейді.
Фильмнің Ресейдегі және Қазақстандағы тұсаукесері 1-маусым күні болады.
пікірлер жоқ, бірінші болыңыз
Пікір қалдыру үшін