«Жұмбақ құжаттаманың» бірінші трейлері
20th Century Fox «Жұмбақ құжаттаманың» бірінші трейлерін жарыққа шығарды. Стивен Спилберг түсірген фильм 1971 жылы «Washington Post» газетінде Пентагон құжаттары жайындағы мақалалар туралы баяндайды. Таспадағы оқиға Катрин Грэм (Мэрил Стрип, «Крамер Крамерге қарсы», «Мэдисон аймағының көпірі») мен Бен Брэдли (Том Хэнкс, «Жасыл миля», «Форрест Гамп») аясында өрбиді. Олар Пентагон оқиғасына қатысты құжаттарды баспасөз беттеріне жариялауға асығады. Бұл құжаттар биліктің Вьетнамдағы соғыс туралы жайттармен ұзақ жылдар бойы халықты алдап келгенін дәлелдейді.
«Жұмбақ құжаттама» көпшілік көрерменге 2017 жылдың 22 желтоқсанында, яғни киножүлделерді марапаттау аяқталған кезде жол тартады. Спилберг «Бірінші ойыншы дайындалсын» атты жұмыспен бас қатырып жүрсе де, «Оскар» үміткері болуға әбден лайықты драманы түсіре білген. Фильм керемет актерлік құрамның арқасында (Стрип алғаш рет Хэнкспен де, Спилбергпен де жұмыс істеген) баспасөз бен билік арасындағы тайталасты жақсы көрсеткен. «Жұмбақ құжаттаманың» трейлері секілді тамаша болатындығында күмән жоқ.
пікірлер жоқ, бірінші болыңыз
Пікір қалдыру үшін