«614-ші тұтқынның қашуы»: Рон Перлманның қатысуындағы қылмыстық комедияның алғашқы трейлері
Saban Films студиясы режиссер Зак Голден өз сценарийі бойынша түсірген «614-ші тұтқынның қашуы» қылмыстық комедиясының алғашқы трейлерін ұсынды. Фильмнің ресми тұсаукесері биылғы ақпанда Берлиндегі халықаралық фестивальде өткен болатын. Бұл таспаның басты рөлдерін Америка киносының ардагері Рон Перлман («Хеллбой», «Фантастикалық мақұлықтар және олардың мекендейтін жерлері») және Мартин Старр («Өрмекші адам: Үйге оралу», «Шақырылмаған қонақтар») сомдады. Көңіл-күй жағынан таспа ағайынды Коэндердің «Ау, ағатай, қайдасың?» танымал туындысын еске салады.
Дебютант режиссер Голденнің сюжеті негізінде шерифтің ақымақ екі көмекшісі жайлы хикая жатыр. Олар жақында түрмеден қашып кеткен тұтқынды аңдып жүреді, соны ұстап алса, бұрынғы жұмыстарына ораламыз деп ойлайды. Бірақ, сол қылмыскердің кінәсіз екендігі анықталады. Дегенмен, қылмыскерді ұстау әрбір іздерін аңдып жүрген шерифпен бетпе-бет келуден де қауіпті. Рон Перлман «614-ші тұтқынның қашуы» фильмінде сыбайлас әрі қатал шерифтің рөлін сомдайды.
пікірлер жоқ, бірінші болыңыз
Пікір қалдыру үшін