«Парижге бағытталған пойыз»: алғашқы дубляждалған трейлер
Режиссер Клинт Иствудтың «Парижге бағытталған пойыз» фильмінің алғашқы трейлерінде 2015 жылы тамыз айында Парижге бағытталған пойыздың террорлық шабуылына тосқауыл қойған үш кейіпкер көрсетіледі.
2015 жылдың 21 тамызында кешке үш американдық азамат № 9364 пойызымен Еуропа бойынша саяхаттап жүріп, террорға қарсы шығады да, 500-ден астам жолаушылардың өмірін құтқарып қалады.
Иствудтың жаңа жобасының ерекшелігі - Энтони Сэдлер, Ұлттық ұлан сарбазы Алек Скарлатос және әскери-әуе күштерінің қатардағы жауынгері Спенсер Стоун фильмде өздерін сомдайды. Хикая балалық шақтарын, өткені мен болашағын көрсететін актерлармен бірге өтеді. Таспада достардың өмірі және шабуылға әкеп соқтыратын жағдайлар сипатталады.
«Парижге бағытталған пойыздың» түпнұсқа сценарийін оқиғаның басты қаһармандарының әңгімесі негізінде Дороти Блисколл жазған. Кинода тәжірибелері жоқ Сэдлер, Скарлатос пен Стоуннан басқа, таспаға Джуди Грир («Маймылдар аралы: Соғыс», «Уилсон»), Дженна Фишер («Брэд беделі», «Үлкен механикалық адам») және Томас Леннон («Құбыжық-трактар», «Жүлделер жауынгері») сынды танымал экран шеберлері түсті.
пікірлер жоқ, бірінші болыңыз
Пікір қалдыру үшін