«Іздеу»: триллердің кинотеатралды постері жарыққа шықты
Тимур Бекмамбетовтың («Білесіз бе, анашым, мен қайда болдым?», «Жаңа шыршалар») screenlife форматында түсірілген продюсерлік жобасы – «Іздеу» триллері кинотеатралды постерге ие болды. Бұл жоғары технологиялы таспадағы оқиға толығымен гаджеттер мен компьютерлер экранында өтеді. Фильм сюжеті бойынша Дэвид Кимнің 16 жасар қызы із-түзсіз жоғалып кетеді. Полиция қауқарсыз. Қайғыдан қан жұтқан әкесі қызының компьютерін бұзып алады. Ол қызы жайлы ештеңе білмейтінін түсінеді.
Джон Чо («Стартрек: Жаза») және Дебра Мессинг ( «Уилл мен Грейс» хикаясы) күнделікті заманауи өмірдегі технологияны экранда көрсетеді. Алдыңғы жолдары осыған ұқсас жұмыстар болған еді. Ол үшін Леван Габриадзенің «Достықтан шығару» таспасын және Начо Вигалондоның «Ашық терезелер» картинасын еске түсірсек болғаны. «Іздеудегі» хикая көлемді оқиғалар мен кішкентай бөліктерден құралған. Бұл таспада блокбастердің іздері, сюжет барысында берілетін санаға бағытталған көптеген құпиялар мен шешімдер бар.
«Іздеу» триллері 2018 жылдың 27 қыркүйегінен бастап айналымға шығады. Афишамызды қарап жүріңіздер.
пікірлер жоқ, бірінші болыңыз
Пікір қалдыру үшін