Тимур Бекмамбетов пен Нұртас Адамбай бірігіп кино түсіруі мүмкін
Отандық режиссер, продюсер әрі актер Нұртас Адамбай Тимур Бекмамбетовпен бірге фильм түсіруді ойлап жүрген көрінеді. Режиссер бұл туралы Caravan.kz сайтына берген сұхбатында айтып қалды. Жақында Адамбай ресейлік режиссермен бірге жұмыс істейтінін өзінің Facebook парақшасында нақтылады:
«Бір кездері Тимурмен әңгімелескенімде, ол маған «Мен сені әрқашанда қолдауға дайынмын!» деген еді.
Қазақстандықтардың арасында бірінші болып әлемдік кинематографияда тамаша табысқа жеткен маманның өзінің отандастарына көмектесуге дайын екендігі қатты қуантты!
Оның үстіне, өткен жылы отандық кинолардың билеттерін арзандатуға байланысты Тимур тарапынан айтылған идеяға өз пікірімді білдірген едім. Сол кезде мен «мэтрді» сынағандай болғанмын. Бірақ, Тимурдың ақылды адам екенін, барлығын дұрыс түсінетінін білдім. Кейде дау арқылы шындық туады емес пе? Осыған дәлел ретінде, оның көмекшісі маған қоңырау шалып, Тимур Нуруахитұлының менімен кездескісі келетінін айтты. Мен үшін онымен сөйлесу, өз идеямды айту қызық болды. Тимур мені асықпай тыңдап, өз пікірімен бөлісті. Сені түсінетін адаммен сөйлескен қандай жақсы.
Алдағы уақытта бірігіп өз жобамызға кірісіп, халыққа қызықты болатын туындыны жасаймыз деп үміттенемін».
Екі режиссердің қандай кино түсіретіні әзірге беймәлім.
Еске сала кетсек, Нұртас Адамбай мен Тимур Бекмамбетовтың жеке кездесуі Алматыда «Алғашқылар дәуірі» фильмінің тұсаукесерінде болған.
2 пікір
Пікір қалдыру үшін
Алина
25 апреля 2017, 16:33Интересно, это будет фильм о приключениях келинки Сабины в космосе? =)
Мырзахмет
27 апреля 2017, 20:54ждем творчества