Рассел Кроу «Гладиатордағы» күйме арбасын және басқа да естелік заттарын аукционға қойды
Рассел Кроу аукциондағы сатылымға 200-ден аса заттарын қойды. Бұл оның жылдар бойы түскен фильмдеріндегі естелік заттары. Актер бұрынғы әйелі Даниэль Спенсермен ажырасу ісін аяқтайды. «Ажырасу өнері» аукционы Австралияда 4-7 сәуір аралығындағы лоттар көрмесінен кейін 7 - сәуірде өтеді.
Акционға мына фильмдерден заттар қойылды: «Гладиатор», «Шеттетілген», «Нокдаун», «Лос-Анджелестің құпиялары», «Өз адамы» және «Теңіздің қожасы: Жердің шетінде». Кроу толығымен іске жарамды римдік арба күймесін, «Гладиатордағы» ағаш қылышын және 1890 жылдардағы «Теңіз қожасы» фильміндегі қолданылған скрипкасын сатады. Sotheby’s аукцион үйінің болжамына сәйкес, лоттардың бастапқы бағасы 3 миллион долларды құрайды.
Лоттарға берілген түсініктеме төмендегідей: «Бұл лоттардың сатылымы – Рассел Кроудың ұзақ жылдар бойы жинаған, соның ішінде бұрынғы әйелі Даниэль Сперсермен бірге тұрған кездегі жинаған жеке заттарымен қоштасуы». «Шын мәнісінде, бұл заттар үш бөлмені алып тұр және олар әртүрлі бұйымдар, осыдан кейін тазалап, құжаттарын алып, сақтандырып отырмаймын», - дейді Кроу.
Актер австралиялық Daily Telegraph баспасына берген сұқбатында өзі жайлы және Даниэль Спенсермен арадағы қарым-қатынасы туралы айтып берді: «Біздің бөлек тұрып жатқанымызға бес жылдан асты. Аукцион кезінде ажырасуымызға нүкте қойылуы тиіс. Біз балаларымыздың тәрбиесімен бірге айналысамыз және бұл біз үшін оңай, өзара тез келісіп, ортақ тіл табыса аламыз. Ол да осылай сезінеді деп ойлаймын. Мен ең алдымен болашағыма жол ашуға көмектеседі деген оймен осы заттарды сатқым келеді».
пікірлер жоқ, бірінші болыңыз
Пікір қалдыру үшін