Режиссер Дэвид Эйр «Өзін-өзі өлтірушілер тобына» қатысты айтылған жағымсыз пікірлерді ой елегінен өткізуде
Көптеген режиссерлар өз фильмдеріне қатысты пікірлерді оқымайтынын айтады. Дэвид Эйр олардың қатарынан емес. Бірақ, ол 22 желтоқсан күні Netflix-те тұсауы кесілген «Жарқындық» жаңа триллеріне қатысты айтылған жағымсыз пікірлерден көңілі түсіп қалды. Басты рөлге Уилл Смит түскен болатын. Режиссер жауыздар туралы драмасына қатысты айтылған пікірлерден «тамақты кескендей» күйде жүргенін ашық білдірді.
«Бұл сұмдық. Иә, жағымсыз пікірлер болды. Мен өз-өзіме қол жұмсауға дайын едім», - деді ол. Сонымен қатар, режиссер «Өзін-өзі өлтірушілер тобын» «қарама-қайшы пікірлерге бөлінген фильм» деп атады.
Негізі, бұл жағдай оны «Жарқындық» түсіріліміне итермеледі. Режиссер бұл жайында былай деді: «Бұл шаршы алаңға ұқсайды. Бастысы, жеңіске де, жеңіліске де дайын болу керек. Мен бұл алаңға қайта-қайта шыға беремін. Режиссура – өте сенімді ойын, себебі ойыңда жүрген идеяларды бірден сатуға болады».
Дэвид Эйрдің екінші маңызды ойы: «Актерлар сіздің және барлық топтың не істеп жатқанын жақсы сезіне білуі тиіс. Режиссер ретінде сіз бұйрық бересіз, алаңдағы ерекше көңіл-күйді орнатасыз. Расында, бұл түсірілім кезінде бірден бола салмайды. Фильмнің өзінде қауіп пен тұзақ бар. Мен жыртқыштардың қай жерде жасырынғанын міндетті түрде білуім керек. Болашақта сол қателіктерді қайталамауым үшін бұл аса маңызды».
пікірлер жоқ, бірінші болыңыз
Пікір қалдыру үшін