«Адель өмірі» фильмінің режиссері 2013 жылы Канн кинофестивалінен алған «Алтын пальма бұтағын» сатпақшы
Режиссер Абделатиф Кешиш Mektoub Is Mektoub» жаңа фильмін түсіріп, оның пост-продакшнын қаржы іздеп жатыр. Бұл оның 2013 жылы түсірілген «Адель өмірі» картинасынан кейінгі бірінші жұмысы.
Банк Кешишке фильмін аяқтау үшін несие бермеді. Сондықтан, режиссер алдыңғы фильмінің заттарын сатуға мәжбүр.
Негізі, «Алтын пальма бұтағы» мен «Адель өмірінің» майлы картиналарын сатпақшы. Осылайша, Абделатиф жаңа жобасын жүзеге асырмақ.
Пост-продакшнға қанша қаржы кететіні әзірге белгісіз.
«Адель өмірі» фильмі 2013 жылы Канн фестивалінде «Алтын пальма бұтағына» ие болса да, дау-дамайдың ортасында қалды. Негізгі актрисалардың бірі Леа Сейду Кешиш жұмысының әдістерін қатты сынады. Өйткені, режиссер түсірілім барысында актрисаларға қатал қараған. Оның үстіне, түсірілім кезінде уақыт дұрыс қойылмаған еді. 16 сағаттық ауысымдар 8 сағаттық болып жазылған.
пікірлер жоқ, бірінші болыңыз
Пікір қалдыру үшін