Ричард Линклейтер Focus Features студиясына арнап әзілкеш Билл Хикс жайлы өмірбаяндық фильм түсіреді
Режиссер Ричард Линклейтер («Тудың соңғы рет желбіреуі», «Әркімдікі өзіне») сценарий жазып, Focus Features студиясына арнап әзілкеш Билл Хикс жайлы өмірбаяндық фильм түсіреді, картинаның әзірге нақты атауы жоқ. Хикс АҚШ-тың оңтүстігінде өскен және «Оңтүстік баптистік конвенция» ұйымының қатал тәрбиесін алған. Дәл осы мекеме оның өткір тілді әрі бүлікші болуына әсер етті, ол 70-жылдардың соңында Техаста жеке комедиялық нөмірлерімен шыға бастады.
Билл Хикс 80-жылдарда бірнеше рет гастрольге шығып жүрлі, оның әзілдері «қара» әзілге және өткір әлеуметтік пікірлерге толы болатын. Әзілкештің әдеттегі әзілі ол кезде былай еді: «Әкеммен қарым-қатынасым ешқашан дұрыс болмады. Бұрын басқа балалар маған келіп: «Менің әкем сенің әкеңді ұрып жібере алады» дейтін. Мен қуана: «Рас па? Қашан?» деп айтатынмын.
1994 жылы Билл Хикс 32 жасында ұйқы безінің обырынан қайтыс болды. Ричард Линклейтер 1993 жылғы «Рахат пен дүрбелең кезінде» фильмінің Техастағы түсірілімі кезінде Хикспен бірге жұмыс істей алмағаны үшін өкінетінін айтқан еді. 2009 жылы әзілкеш режиссерлар Мэтт Харлок пен Пол Томастың «Американдық: Билл Хикс хикаясы» деректі фильмінің басты кейіпкеріне айналды. Архивті жазбалар мен сұхбаттан тұратын таспа «Оңтүстік арқылы оңтүстік-батысқа» (SXSW) фестивалінде көрсетіліп, сыншылар мен көрермендердің жақсы пікірлеріне ие болды.
пікірлер жоқ, бірінші болыңыз
Пікір қалдыру үшін