Скриптонит отандық режиссерлармен болған жанжал жайлы айтып берді
Қазақстандық рэпер Скриптонит (Әділ Жәлелов) GazLive бағдарламасында қонақта болып, отандық кинематограф жайлы пікірін ортаға салды.
Орындаушының айтуынша, оған «Фара», «Қызғылт қоян туралы аңыз», «Рэкетир» сынды картиналар ұнайды.
Биылғы мамырда жанжал шыққан еді. Скриптонит ресейлік әртістерге бейнебаян түсіріп беретін қазақстандық клипмейкерлер жайлы жағымсыз пікірін білдірген болатын. «Неге сынның астына алды» деген сауалға әртіс былай жауап берді:
«Сол балақайларды ма? Иә, себебі олар бұрыс жолда жүр. Алғашында олар шығармашылық бағытта жұмыс істеді, кейін көптеген тапсырыстар ала бастады. Бүгін олар L’One үшін, ертең Иван Дорнға, одан кейін Темникова үшін жұмыс істейді. Егер сен менімен жұмыс істегің келсе, өзіңді шектеп, менімен ғана жұмыс істеуге ниеттен. Уақыт өте келе жұмысбасты болып, өз міндеттерін басқаның иығына артып қоятын адамдарды көре бастайсың».
Рэпер мұндай режиссерлардың кейін өзгелердің бейнебаянындағы идеяларды қолданып, тапсырыс берушіге кадрлар құрастыратынын айта кетті. Нәтижесінде, әртістің өзін плагиат үшін айыптап жатады.
«Олар өздері неге ұялмайды екен? Барлығы энтузиаст, альтруист болып келеді де, кейін бір-біріне ұқсайтын жұмыстарды жасап жатады», - деп қоса кетті Скриптонит.
Еске салсақ, өткен жолы клипмейкер Айсұлтан Сейітов рэперге арнап Gazgolder Live фестиваліне бейнешақыру түсірген болатын, ол көпшілікке «Денеңді қимылдат» деген атпен белгілі.
.jpg)
пікірлер жоқ, бірінші болыңыз
Пікір қалдыру үшін