Софи Манасян Nickelodeon телеарнасының шоуына тап болды
10 жасар алматылық Софи Манасян Nickelodeon телеарнасындағы танымал шоудың бірінен көрінбек. Жобаның жай-жапсары әзірге белгісіз, алайда отандасымыздың қатысуындағы түсірілім бір аптаға созылып, Warner Brothers студиясында өтеді.
Софи Манасян әрбір қазақстандыққа жақсы таныс, әсіресе Инстаграмның белсенді қолданушылары жақсы біледі. Алматыда дүниеге келген қыз би билеп, фортепианода ойнап, көпшілікті ерекше дарынымен бірден баурап алған болатын. Жастығына қарамастан, Софи халықаралық байқауларға қатысып, жүлдегер атанып үлгерді.
«Софи барлығына өз елінің атауын жаттатып үлгерді, сонымен қатар қазақстандықтарды Софиден керемет тосын сый күтеді. Ол режиссёрлардан тв экраны арқылы отанына деген махаббатын білдіруге рұқсат алды, бірақ әзірге бар айтарым осы! Мына жақта, түсірілім кезінде Софиге әрлейтін жеке бөлме, жеке ассистент, тәттілер, тіскебасарлар берілді, тіпті балмұздақ үйшігі де бар. Сахна сырты да өте әдемі әрленген, әрбір түсірілім күні минутына дейін жазылған», - деп бөлісті қызықтарымен әртістің анасы Ольга Манасян.
Софи шоуға ұзақ кастингтен кейін тап болды. Басында кішкентай қыз өзі туралы баяндап, дарынын көрсететін бейнежазба түсіріп жібереді. Кейін скайп-сұхбат пен қоңыраулар келіп түседі. Софи ақыры өзін жобаға шақырған американдық продюсерлерді әртістігімен баурап алды.
Айта кету керек, Софи Манасян ата-анасымен бірге Лос-Анджелесте тұрып жатыр.
Превью: Софи Манасянның жеке Instagram парақшасынан
.jpg)
пікірлер жоқ, бірінші болыңыз
Пікір қалдыру үшін