«Фантастикалық мақұлықтар және олардың мекендейтін жерлері» сиквелінің түсірілімі басталды
Жақында «Фантастикалық мақұлықтар және олардың мекендейтін жерлері» сиквелінің ресми түрде түсірілімі басталды. «Warner Bros.» жанкүйерлерімен фэнтези-фильмнің сюжетімен бөлісті.
Сюжеті 1927 жылы алғашқы таспа шыққаннан соң бірнеше айдан кейінгі хикаяны баяндайды. Геллерт Гриндевальд қамаудан қашып шығып, зұлым әрекетін іске асыру мақсатында сыбайластарын жинай бастайды. Яғни, ол дуагер еместерді төмендетіп, сиқыршыларды жоғарылатуды көздейді. Оны тек бұрынғы жақын досы, жас Альбус Дамблдор ғана тоқтата алады. Бірақ, Дамблдорға да бұрынғы шәкірті Ньют Саламандерден көмек сұрауына тура келеді.
Фильмді Дэвид Йейтс түсіріп жатыр. Картинаға сондай-ақ, Зои Кравиц, Эзра Миллер, Каллум Тернер және Клаудия Ким қатысуда.
Тұсаукесері келесі жылдың 15 қарашасында болады.
1 пікір
Пікір қалдыру үшін
Мырзахмет
24 шілде 2017, 13:09Ждем его и тварей и Дамболдора. Может Гарри и увидим.