Sony студиясы көрермендерге «Жүзбен жүгіруші» фильмінің орыс тіліндегі трейлерін ұсынды
Дени Вильневтің «Жүзбен жүгіруші 2049» фильмі керемет жұлдызды құрамды жинақтады. Басты рөлдерде - Райан Гослинг, Харрисон Форд, Джаред Лето, Робин Райт және Ана де Армас.
Сиквел сюжеті әйгілі «Жүзбен жүгіруші» фильмі хикаясынан 30 жыл өткеннен кейінгі оқиғаны баяндайды. Климаттың өзгеруіне байланысты теңіз деңгейі көтеріліп кетеді, адамдардың көпшілігі өзге ғаламшарлар мекеніне аттанады. Ал жағдайға байланысты қалып қойғандар өмір сүруге қолайсыз Лос-Анджелесте қалуға мәжбүр болады. Олар аман қалу үшін идеалист-ғалым Неандер Уоллес ойлап тапқан генетикалық түрлендірілген өнімдерді тұтынады. Ғалым репликанттарды елгезек қылып, одан әрі дамыта түсті. Бірақ, полиция қызметкерлері заңсыз роботтарды іздеуін тоқтатпайды.
Неандер Уоллестің рөлін Джаред Лето сомдады. Бастапқыда Дени Вильнев Дэвид Боуиді түсіргісі келген, бірақ актер әрі әнші 2016 жылдың басында қайтыс болып кетеді.
Фильм тұсаукесері 5 қазанда болмақ.
Картинаның Қазақстандағы ресми таратушысы «Меломан-Кинопрокат» компаниясы болып табылады.
пікірлер жоқ, бірінші болыңыз
Пікір қалдыру үшін