Тайка Вайтити «Акира» жапон мангасына кіріспек
Тайка Вайтити өзінің «Шынайы жалмауыздар» фильмі арқылы Голливуд шыңына шықты, ал биыл оның жетекшілігімен «Тор: Рагнарёк» фильмі түсірілген болатын.
Ендігі кезекте Warner Bros. студиясы режиссерге Кацухиро Отомоның әйгілі «Акира» мангасымен жұмыс істеуді ұсынып отыр. Манганың алты томын екі толықметражды фильмге бөлу жоспарлануда.
Студия экрандау құқығын 2008 жылы алған болатын. Содан бері көптеген қоюшылар танымал манганы түсіруді армандаған. Олардың ішінде Кристофер Нолан, Джордж Миллер және Хауме Кольет-Серра да бар.
Картина сюжеті Жаңа Манхэттен деп аталатын болашақтың қаласы туралы баяндайды. Байкерлер тобының бастығы досын құтқаруға тырысады, досы үкіметтің қауіпті тәжірибелерінің нәтижесінде қиратушы телекинетикалық қасиетке ие болған еді.
Картина продюсерлері Эндрю Лазар мен Леонардо Ди Каприо болмақ.
пікірлер жоқ, бірінші болыңыз
Пікір қалдыру үшін