Торонто-2018: Кейтлин Джерард Жабайы Батыс жайлы «Жел» ымыртты хоррорының бас жұлдызы атанды
Торонтодағы халықаралық фестивальде режиссер Эмма Таммидің «Жел» қорқынышты дебютті фильмінің тұсауы кесілді, оқиға Американың Жабайы Батысында өрбиді, сондықтан мұнда вестерн элементі болуы тиіс. Режиссер «Түнгі ессіздік» бөлімінде басты рөлдегі Кейтлин Джерардпен («Астрал 4: Соңғы кілт», «Әлеуметтік желі») бірге фильмді таныстырды.
«Желдің» сюжеті жалғызбасты әйел Лиззи Маклиннің (Кейтлин Джерард) айналасында өрбиді, ол мүлгіген тыныштық пен жабайы жердегі ағаш үйде тұрады. Тереза Сазерлендтің сенсациялық сценарийі көрермендерді американдық шекарадағы өмірге жетелейді, сол жақта жалғызбасты әйел тылсым дүниелерді көріп, ести бастайды. Бұл оның қиялынан туған дүниелер болуы мүмкін немесе Батыстың Зұлым күштері шығар, не болмаса бірінші мен екіншінің қосындысы да болуы бек мүмкін.
Таммидің жақсы түсірілген картинасы жанр жағынан көрермендерді өзіне баурап алады, бірақ «Желде» ылғи осылай бола бермейді. Оқыс қорқыныштар мен бадырайған көздер секілді режиссерлік әдіс әр түрлі, мұнда қорқыныштың барлық түрі бар десе де болады. Дегенмен, хоррорларда әйелдік көзқарас сирек кездесетін құбылыс болғандықтан, «Жел» жобаның гендерлік құрамы үшін емес, XIX ғасырдың соңындағы Жабайы Батысты билеушілердің қағидаларына деген ерекше әрі жаңа көзқарасы арқылы өзіне тартады.
.jpg)
пікірлер жоқ, бірінші болыңыз
Пікір қалдыру үшін