Уилл Феррелл жол апатынан кейін аурухана түсті
Өткен аптаның соңында Колифорниядағы жол апатынан кейін актер Уилл Феррелл («Сәлем, әке, Жаңа жыл!», «Үй») ауруханаға жеткізілді. Ол жол талғамайтын көліктегі жарақат алған үш жолаушының бірі болатын. Феррелдің жарақаты ауыр емес, ол Сан-Диегодан «Күліңдер немесе өліңдер» шоуына жүргізуші болып қайтып келе жатқан. Сондай-ақ, жол талғамайтын көлікте 27 жасар әйел болған. Ол қауіпсіздік белдігін тақпағандықтан ауыр жарақат алған. Жол сақшысының мәліметінше, жол талғамайтын көлікке соғысқан жүргізуші көлік тізгінінде келе жатып ұйықтап кеткен.
Актерлік агенттік оқиғаға қатысты мәлімдеме жасады: «Сан-Диегодан Лос-Анжелеске қайтар жолда автокөлік басқа көлік құралының салдарынан апатқа ұшыраған. Уилл және оның әріптесі Эндрю Стил ауыр жарақат алған жоқ және ауруханадан шығарылды. Уиллдің жүргізушісі Марк Томпсон мен оның әріптесі Каролин Барлоу әзірге ауруханада қалды. Олардың жағдайы бірқалыпты. Феррелл достарының жанында қалды және оларға ерекше қамқорлық танытқандардың барлығына үлкен ризашылығын білдірді. Сондай-ақ, ол осы жол апатына байланысты ізгі тілек білдіргендердің барлығына алғысын айтты».
пікірлер жоқ, бірінші болыңыз
Пікір қалдыру үшін