Ума Турман продюсер Харви Вайнштейн туралы жаңа мәліметтердің сырын ашты
New York Times-қа берген сұхбатында танымал актриса Ума Турман («Биллді өлтіріңіз», «Қылмыстық оқиғалар») есімі соңғы бірнеше ай бойы Голливудтағы жыныстық оқиғаға қатысты жанжалда жиі аталатын продюсер Харви Вайнштейн келбетінің жаңа қырларын баяндап берді. Турман Вайнштейн тарапынан зорлықтың екі рет болғанын мәлімдеді. Вайнштейннің Miramax компаниясымен актрисаны көп нәрсе байланыстырады. Miramax компаниясы шығарған «Биллді өлтіріңіз» және «Қылмыстық оқиғалар» фильмдері арқылы Ума Турман нағыз жұлдызға айналды.
Актриса Париждің қонақ үйінде Вайнштейнмен арада болған кикілжің туралы айтып берді. Сценарийді талқылау барысында ол жуынатын бөлмеге арналған халатпен келіп, маңызды мәселелерді моншаға барып, ыстық буда отырып талқылауды ұсынған. «Мен күш көрсетуді байқамадым. Оны өзі сондай ерекше әрі бүртүрлі қызық ағай екен деп ойладым», - дейді Турман «Қылмыстық оқиға» фильмі шыққаннан кейін болған жағдайдан соң.
Алайда, көп ұзамай Лондонда тағы да қонақ үйде Ванштейн актрисаға күш көрсетті. Турман бұл туралы былай дейді: «Кенет басымнан жарқанат ұшып өткендей болды. Ол мені итеріп жіберді. Маған төніп келіп, үстіндегінің бәрін шешуге тырысты. Ол өзін барынша жиіркенішті ұстады. Өзінің іс-әрекетімен менің әбден қитығыма тиді. Елестетіп көріңізші, сіз кесіртке секілді ыршып, одан құтылу үшін бәрін жасайсыз, себебі оның емес, сіздің пойызыңыз рельстен шығып кетпеуі керек».
Турман Вайнштейннің қонақ үйдегі шабуылдарына барынша қарсы тұруға тырысты. «Сіз маған істегеніңізді басқа да адамдарға көрсетсеңіз, онда өз мансабыңызға, отбасыңызға, беделіңізге нұқсан келтіретініңізге сенімім кәміл», - деді ол продюсерге. Турман Ванштейннің мансабына да кедергі келтіретінін айтып, қорқытқанын да хабарлады. Продюсердің өкілі: «Ванштейн мырза Париждегі қонақ үйде Турман ханымға дұрыс жасамағанын мойындайды және кешірім сұрайды», - дейді. Сондай-ақ, продюсер Ума Турманның мансабына қатысты қоқан-лоққы көрсетпегенін білдірді.
пікірлер жоқ, бірінші болыңыз
Пікір қалдыру үшін