Комикстердің әйгілі авторы Стив Дитко 90 жасында қайтыс болды
Стэн Лимен бірге Өрмекші адам және Дәрігер Стрэндж образын дүниеге әкелген суретші Стив Дитко қайтыс болды. Ол 90 жаста еді. Нью-Йорк полициясы оның өлімін растады: Дитко 29 маусым күні өз пәтерінде өлі күйінде табылған, әзірге өлімнің нақты себебі жарияланған жоқ. 1961 жылы Өрмекші адам туралы комикс аяқ астынан хитке айналды, көптеген жанкүйерлер өрмекші күшіне ие болған суперқаһарман жасөспірімді жақсы қабылдады. 1963 жылы сюрреалистік әрі психологиялық Дәрігер Стрэндж пайда болды.
Көптеген танымал суретшілер мен режиссерлар Стив Дитконың өліміне қайғырып, Twitter'дe пікір білдірді. Танымал фантаст жазушы және комикстер авторы Нил Гейман былай деп жазды: «Стив Дитко жеке идеалдарына адал болды. Ол барлығын өзінше көретін, ол бізге ерекше дүниені көруге мүмкіндік берді. Оны жиі көшіретін. Ал өзі ешкімге қарамайтын. Мен соның арқасында осындай болғанымды білемін, өйткені ол адам осы әлемде өмір сүретін».
Сценарист әрі режиссер Эдгар Райт: «Комикстер аңызы Стив Дитко, жатқан жерің жайлы болсын. Бұл шебер ұзақ жылдар бойы айналысқан туындыларынан көп табыс таппайтын. Бірақ, оның атқарған жұмысын ешкім ұмытпайды».
пікірлер жоқ, бірінші болыңыз
Пікір қалдыру үшін