Владимир Путин қазақстандық актер Юрий Померанцевті марапаттады

• 26 Қараша, 2018
• BrodKaz
• 1 048
• 0

Ресейдің басшысы Владимир Путин қазақстандық театр және кино актері Юрий Померанцевті Достық Орденімен марапаттау туралы жарлыққа қол қойды.

Әртіске марапатты Лермонтов атындағы академиялық орыс театрының 85-жылдығына орай өткізілген шарада РФ Алматыдағы бас консулы Евгений Бобров табыстады.

Юрий Борисович Померанцев – Қазақ КСР-ның Халық әртісі. Ол бүкіл ғұмырын актерлік және режиссерлік салаға арнады. Оның қоржынында «Біздің сүйікті дәрігер», «Тоғысқан тағдырлар», «Атамекен», «Джельсоминоның ғажап дауысы», «Аптасына бір рет» және тағы да басқа фильмдері бар.

Достық Орденімен ресейліктер де, сонымен қатар халықтар арасындағы достық пен бейбітшіліктің нығаюы үшін, мәдениеттің өзара байланысуы үшін басқа мемлекеттің азаматтары да марапатталады.

Қазір егде тартқан әртіс 95 жаста, бірақ шығармашылықтың шыңдалуына жас шамасы кедергі емес.

Еске салсақ, өткен жолы Юрий Борисович Померанцев ҚР әлеуметтік-гуманитарлық даму бағытындағы ерекше жетістіктері үшін Қазақстанның Еңбек Ері атағына ие болған.

Превью: newtimes.kz

• 26 Қараша, 2018
• BrodKaz
• 1 048
• 0