«Шимай дәптер» фильмінің ресми саундтрегі шықты

14 Мамыр, 2018
BrodKaz
1 171
0

Бүгін Сергей Лукьяненко романы бойынша жазылған режиссер Сергей Мокрицкийдің («Севастополь үшін шайқас») «Шимай дәптер» фэнтезиінің ресми саундтрегі жарыққа шықты. Альбомға фильм композиторы Кирилл Рихтердің инструменталды музыкасы, Роман Бестселлердің Matryoshka Killer трегі және Леонид Агутиннің «Мен әрдайым сенімен бірге боламын» және «Мәскеулік нөмір» әндері енді. «Шимай дәптердің» саундтрегін https://1mp.ru/l/chernovik/ сілтемесі бойынша көруге болады.

Картина музыкасын жас композитор Кирилл Рихтер жазды.

«Сергей Мокрицкий эмоционалды адам болғандықтан, эмоционалды кино түсіріп жатыр, бізде музыка көп және әр түрлі, - деп түсіндіре кетті «Шимай дәптердің» продюсері Наталья Мокрицкая. – Біз киномузыканың әр тесікті жабатын қарапайым жолымен жүрген жоқпыз. Рихтер – композитор, оны музыкасын есте сақтай аласың, ол сені әуреге салады, қайғыртады, бұл бейнеден де артық».

«Сонымен қатар фильмде Леонид Агутиннің туындылары шырқалады, - деп жалғастырды Наталья. – Ол да мен сияқты, Сергей Мокрицкий сияқты Сергея Лукьяненконың үлкен жанкүйері. Ол оның барлық кітабын оқыған, тіпті жинап жүр. Леонид осы картинаның түсіріліп жатқанын біліп, алғашқы жинағын көрген соң, екі күннің ішінде жаңа әрі нәзік, романтикаға толы «Мәскеулік нөмір» әнін алып келді. Ол әнде біздің фильм туралы, кейіпкеріміз жайлы дөп түсіп айтқан. Сондай-ақ, оның «Мен әрдайым сенімен бірге боламын» әні шырқалады. Ол жаңа емес, дегенмен эмоцияға толы ән».

«Бұл фильмнің Сергей Лукьяненко кітабы бойынша түсіріліп жатқанын білген соң, қуанып, соған ән жазу ұсынысына ерекше ынтамен кірісіп кеттім, - деп еске түсірді Леонид Агутин. – Лукьяненконы көптен бері оқып жүрмін, бұл авторға деген құрметім бөлек, өйткені ол әлемдегі деректі ойларды кейбір өмірлік философиямен байланыстыра алады. Режиссермен және продюсермен фильмнің ортасында «Мен әрдайым сенімен бірге боламын» әнін жеке нұсқада және жаңа өңдеуде жасауды ұйғардық. Ал соңында, барлық фильмнің лейтмотиві ретінде жаңасын жазуымыз керек. Фильмдегі оқиға Мәскеуде өрбиді, мен – мәскеулікпін, бұл да мен үшін маңызды аспект болды. Көңіл-күйі мен мағынасына, өмірге және дүниетанымға деген көзқарасқа байланысты мәскеулік ән жазу керек болды. Осылайша, «Мәскеулік нөмір» шығармасын жаздым, бұл кейде қайғылы, мажорлы үндестігі бар балладалық ән».

«Шимай дәптер» қазақстандық ауқымды айналымға Meloman Entertainment компаниясының тартуымен 25 мамырда шығады.