«Шимай дәптер»: ресейлік фантастикалық фильмнің жаңа көріністері мен трейлері

7 Наурыз, 2018
Мадина
1 550
0

«Жаңа адамдар» студиясы режиссёр Сергей Мокрицкийдің («Севастополь үшін шайқас») «Шимай дәптер» фэнтезиінің жаңа трейлерін ұсынды. Таспа «Күндізгі барлау» мен «Түнгі барлау» сценарийлерінің авторы, танымал фантаст жазушы Сергей Лукьяненко романының экрандауы болып табылады. Картинаның бас продюсері - Наталья Мокрицкая.

«Шимай дәптердің» ресми синопсисіне сәйкес, жас мәскеулік Кирилл – компьютер ойындарының дарынды дизайнері. Бір күні ол өзі жақсы көрген әрі білген адамдардың есінен шығып, түбегейлі ұмытылып қалады. Кирилл маңызды әрі құпия тапсырма үшін таңдалғанын сезеді. Оның мақсаты – Жер жүзіндегі параллель әлемнің арасын жалғаушы болу. Кирилл сол жұмбақ әлемдерді кім және не үшін басқарып отырғанын біле ала ма?

«Шимай дәптер» фантастикалық фильмдегі рөлдерді Никита Волков («Аяз ата. Сиқыршылар шайқасы», «Екі әйел»), Евгений Ткачук («Өлке»), Юлия Пересильд («Севастополь» үшін шайқас, «Өлке»), Ольга Боровская, Евгений Цыганов («Брест қамалы»), Ирина Хакамада («Бақытты өмірдің қысқаша курсы»), Северия Янушаускайте («Жұлдыз»), Андрей Мерзликин («Әңгімелер», «Брест қамалы»), Дмитрий Хрусталев, Ян Гэ («Серіктес») сомдады.