«Селфи»: Константин Хабенский. 3 бөлім

24 Января, 2018
Мадина
1 204
0

«Селфи» жобасына Константин Хабенский келгеннен кейін, барлық оқиға актердің деңгейіне қарай өзгертілді. Хабенский сияқты танымал актер кейіпкердің мінезіндегі ерекшелікті ашып, өзіндік белгілі бір дауыс ырғағын алып келеді, - дейді продюсер Дмитрий Рудовский. Оның үстіне, Николай Хомерики екеуі өзара тез тіл табысып кетті. Көрермендер осыны бағалайды деп үміттенеміз.

«Хабенский фильмге тиянақты дайындалғандықтан, оған бір нәрсе түсіндіріп жатудың керегі болмады. Оның үстіне, біздің Константин Юрьевичпен түсірілімнен бұрын ортақ әңгімеміз көп болды және әр түсірілімде вагонда кездесіп, кез-келген сахнаны талқылап отырдық. Мен әрдайым жаңашылдықты қолдаймын. Сондықтан, бұл нағыз табиғи процесс болды, әсіресе осындай монофильмде екі бірдей бас кейіпкердің, нағыз Хабенский мен тағы да бір Хабенскийдің ойнағаны ерекше, - деп еске алды Николай Хомерики.

«Константин Юрьевич - бұл процестің әрекет етуші күші, - дейді Богдановтың көмекшісі Жаннаның рөліндегі Юлия Хлынина. Оның жанында қозғалыста болып, әрекет ете бастадық. Ешқайсымыз түсірілім кезінде кәсіби түрде ойнамауға құқымыз жоқ еді, себебі Хабенский - жоғары деңгейлі адам, ол түсірілім кезінде бар күш-жігерін салды».

«Сол кезде менде мынадай марафон болды: мен басқа картинаға түсіп жатқан едім. «Селфи» фильміне бірден ауыстым. Менің түсінуім бойынша, олар өте ұзақ түсірді және түсірілім күрделі болғандықтан барлығы әбден шаршады, - деп еске алды Богдановтың көңілдесі Валерияның рөліндегі Северия Янушаускайте. Мен Хабенскийдің де шаршағанын байқадым. Бірақ, ол сонда да өзін сабырлы ұстады, ал мен сабырлы адамдарды құрметтеймін. Сондай-ақ, мұндағы жұлдыздар қарапайым ғана адамдар. Сондықтан, жұмыс істеу де оңай болды. Өкініштісі, менің кейіпкерім фильмде көп төбе көрсетпейді, тіпті шаршап та үлгермедім. Барлығы тез өтіп кетті».

Богдановтың және сыңарының рөлі - Хабенский үшін жоба авторларымен ұзаққа созылған пікірталастың нәтижесі. Константин Хабенский өзінің кейіпкерлері туралы былай дейді: «Ең қиыны - бір кейіпкерді екіншісінен қалай ажырататынымызды түсіну және олардың айырмашылығын табу. Біз оны Коля Хомерики мен Влад Опелянспен талқыладық; Сергей Минаевпен бірге олардың қайсысы нені айтатынын анықтадық және костюм мен макияжды суретшілермен егжей-тегжейлі ойластырдық. Біз алдымен оларды көзбен ажырата алғымыз келді, кей ін екеуінің айырмашылығының мүлде болмағанын қаладық. Нәтижесінде, костюмдер мен макияжды өзгертуден бас тарттық. Біз өте қарапайым болғымыз келді, менің ойымша, фильм жақсы шыққан сияқты. Дегенмен, нақтысын картинадан көресіздер».

«Богданов пен сыңарын ойнау қызықты болды», - дейді Константин Хабенский. - Менің ойымша, мәселе басқада. Бұл біздің менталитетіміз. Неге фильмнің басында жағымсыз кейіпкерге жақтасып, оны қолдап, сол адам үшін алаңдап отырамыз. Керісінше, сол кейіпкерді алмастырып, барлық қасиеттерін иеленген кейіпкерді жек көреміз. Нәтижесін көру қызықты болады. Ал қалғаны – фильмнің ішкі сыры, ол көрсетілмейді және кадрдан тыс қалады.

«Селфи» Қазақстандағы айналымға 1 ақпан күні шығады.

Фильмнің Қазақстандағы ресми таратушысы - Meloman Entertainment компаниясы.