«Селфи»: режиссер мен оператор түсірілім жайында. 2 бөлім
«Селфи» режиссері Николай Хомерики 2016 жылы экранға «Мұзжарғыш» фильмі шыққан соң таныла бастады. Хомерикидің «977» және «Қараңғылық туралы ертегі» картиналары Канн кинофестивалінің арнайы байқау бағдарламасына қатысқан. Олар «Ерекше көзқарас» жүлдесіне үміткер болған.
«Петр Ануров маған «Селфи» фильмін түсіруге ұсыныс тастаған кезде, «Мұзжарғыш» картинасын аяқтап жатқан едім. Фильм ерекше сюжетті, қиын сценарийі бар, өзінше күрделі жоба, - деп еске алды Николай Хомерики. – Сонымен, өзімізде жиі түсіре бермейтін психологиялық триллер жанрында фильм түсіру идеясы қызықтыра кетті. Мен келістім. Содан кейін ғана кітапты оқыдым да, Сергей Минаевпен бірге әрбір бөлікті ақылдастық, сценарийде жасырынған басқатырғыштарды іздеуге тырыстық».
«Мұзжарғыш» картинасында жанрлы кино жасаған Николай Хомерики менің ойымша, көрермен үшін кино жасай алатынын дәлелдеді, - дейді «Селфи» продюсері Петр Ануров. – Оған оңай болмады, ол таңсық жанрды қолға алды. Дегенмен, оқиғаға кірісіп кеткені соншалық, кинематографиядағы бар тәжірибесін пайдаланып, триллер жанрындағы мықты киноны түсірді».
«Хомерики мен үшін камертон сияқты: оны түсірілім алаңында көріп, жігерлене түстім»,- дейді актриса Юлия Хлынина.
«Осыған дейін Николаймен бірге жұмыс істеп көрмептік. Бірақ, таныс едік, араласатынбыз, ол маған өте қызықты жан болып көрінді. Ол сондай салмақты, сабырлы. Онымен бірге жұмыс істеп көру қызықты болды, - дейді басты рөлдердің бірін сомдаушы Северия Янушаускайте. – Менің ойымша, ол өте мықты режиссер».
«Селфи» түсірілімінің камерасын «Кинотавр» кинофестивалінің жүлдегері және «Алтын қыран» иегері Влад Опельянц («12», «Күн сәулесі», «Тұтқындар») қолына алды. Ол триллер жанрында алғаш рет жұмыс істеп отыр.
«Мен өзімнің сүйікті жанрларымның бірімен баяғыда жұмыс істеп көргім келген. Оператор үшін бұл үлкен бояу: сен өзің қалаған дүниелерді ештеңеге мән бермей жасай аласың. Осылайша, өзіндік стиль қалыптасады, - дейді Влад Опельянц. – Менің алдыңғы жобаларымның «Оқушы» және «Тұтқындар» болғанын есепке алсақ, бұл жұмысым олардан айтарлықтай ерекшеленді. Оның үстіне, сценарийі маған қызықты болып көрінді. Николай Хомерики және Петр Ануровпен бірге жұмыс істеу мүмкіндігі туындады – мен шығармашылық адамдарымен жұмыс істегенді жақсы көремін. Фильмге Костя Хабенский мен Федор Бондарчуктың түсетінін білген соң, картинаның маңыздылығын түсіндім, ол кезде менде тағы да бір фильм қатар болған. Хабенски және Бондарчукпен бірге бұрын оператор ретінде жұмыс істегенмін. Мен оларды құрметтеймін!»
«Влад Опельянц – белгілі ресейлік оператор. Менің ойымша, бұл оның жасаған ең үздік картиналарының бірі: фантастикалық бейне, мінсіз стиль», – дейді Петр Ануров.
«Владтың түсірілім алаңында жасаған жұмысы өте керемет. Режиссер екеуі тамаша үйлесім тапқан», - деді Северия Янушаускайте.
«Влад Опельянц – қолындағы дүниені әдемілікке айналдыра білетін суретші, - дейді Юлия Хлынина. – Біз бұрын бірге жұмыс істеген жоқпыз. Ал мен актриса ретінде бірден операторға сене алмаймын. Бірақ, «Селфидегі» алғашқы көріністен-ақ плейбекке жақындаудың қажеті жоқтығын түсіндім, себебі онсыз да, айнаға қарағанда Опельянцтің камерасынан әдемі әрі «көркем» көрінетінімді сездім».
«Селфи» Қазақстандағы айналымға 1 ақпан күні шығады.
Фильмнің Қазақстандағы ресми таратушысы - Meloman Entertainment компаниясы.
пікірлер жоқ, бірінші болыңыз
Пікір қалдыру үшін