«Жүзбен жүгіруші 2049» фильмінің проморолигі жарық көрді

29 Тамыз, 2017
Мадина
800
0

Дени Вильнёвтің «Жүзбен жүгіруші 2049» фантастикалық фильмінің тұсаукесер күні жақындап келеді, туынды Ридли Скоттың «Жүзбен жүгіруші» фильмінің тікелей сиквелі болып табылады.

Фильм үлкен экранға 5 қазан күні шығады, актерлар кино туралы тіс жармауға келісім берген екен, дегенмен журналистер оларды жан-жақтан қаумалап, сұрақтарын жаудырып жатыр.

«Галактика сақшыларындағы» Дракс рөлі арқылы танылған Дэйв Батиста баспасөздің кезекті құрбанына айналды. Батиста «Жүзбен жүгіруші 2049» фильміне түскен, бірақ сюжет пен спойлер туралы ештеңе айта алмайтынын жеткізді. Актердің айтқаны тек бір ғана нәрсе – оның кейіпкерінің есімі Саппер Мортон. Оның үстіне, Батиста фильмнің басқа да актерлары секілді режиссер Дени Вильнёвты мақтап жатыр.

Сонымен қатар, фильмде Джаред Лето, Райан Гослинг, Харрисон Форд, Ана де Армас және Робин Райт ойнайды.

Сюжетте Ридли Скоттың түпнұсқа таспасынан 30 жыл өткеннен кейінгі оқиға баяндалады. Әлемге қауіп төніп тұр, оны құтқаруға полиция офицері Кей (Райан Гослинг) және бұрынғы блэйдраннер Рик Декард (Харрисон Форд) кіріседі.

Фильмнің Қазақстандағы ресми таратушысы «Меломан-Кинопрокат» компаниясы болып табылады.