«xXx 4»: Вин Дизельге Джей Чоу қосылады

21 Қараша, 2018
BrodKaz
1 305
0

Вин Дизельге («Форсаж 8», «Үш икс: Әлемдік үстемдік») «xXx» фильмінің төртінші бөлімінде Джей Чоу («Жалған сағым 2», «Жасыл Шершень») қосылады. Дизельдің кейіпкері Ксандер Кейдж көрермендерге қайта оралмақ. Бір жылдан аса уақыт бұрын түсірілім тобының режиссер Ди Джей Карузомен («Түңілу бөлмесі», «Мен – төртіншімін») бірге атыс-шабыс фильмінің кезекті жұмысын бастағаны туралы белгілі болған еді.

Алдағы уақытта жарыққа шығатын жалғасын қаржыландыратын H Collective компаниясы АҚШ-та кеңінен танымал емес Чоудың жобаға қатысатынын хабарлады, алайда Азия аймақтарында оны актер, режиссер әрі музыкалық супержұлдыз ретінде жақсы біледі. Бір анығы, H Collective мұндай актерлік құрам «xXx 4» картинасының Қытай мен Жапония кинонарығына қарай жылжуына көмектесетініне сенімді болып отыр.

«Мен соңғы бірнеше жылда Ди Джей Карузомен бірнеше рет кездестім. Соның арқасында, бұл режиссердің қаншалықты дарынды екенін жақсы түсіндім. Мен әлемдік аудиторияға арналған осы фильмде осы режиссермен және Винмен бірге жұмыс істеймін деп үміттенемін», - деді Джей Чоу ресми мәлімдемесінде.