ЮНЕСКО Әмина Өмірзақованың мерейтойын атап өтпек
2019 жылдың 8 наурызында Қазақстанның Халық әртісі Әмина Өмірзақованың мерейтойы тойланады, шараны ҚР Мәдениет және спорт министрлігінің қолдауымен ЮНЕСКО ұйымдастырмақ.
Әмина Өмірзақова 1919 жылы 8 наурызда Шығыс Қазақстан облысы, Абай ауданында дүниеге келген. 1934 жылы Ленинградта театр училищесіне студенттер қабылдап жатыр дегенді естіп, ол өзі бағын сынап көруді ұйғарады. Оның «өрт» этюдін орындағаны қабылдау комиссиясының басшысына қатты ұнағаны соншалық, Әмина Өмірзақованы 15 жасында бірден Ленинградтық мемлекеттік театр институтына қабылдайды.
1964 жылы Әмина Ерғожақызы «Ана туралы жыр» фильмінде ойнап, Ленинградтағы Бірінші бүкілодақтық кинофестивальде «Үздік әйел рөлі» номинациясы бойынша жүлдеге ие болды.
Әмина актерлік мансабында қазақ тіліндегі 20-дан астам фильмдерде ойнаған, солардың ішінде «Тақиялы періште», «Абай әндері», «Роза ана» фильмдері үшін Өмірзақова «Шоқжұлдыз» кинофестивалінде үздік қарт адам рөлі үшін жүлделі болған.
Әмина Ерғожақызы кейіпкерлерін сендіре сомдағаны соншалық, нағыз қазақ анасының бейнесі атанды.
1996 жылы актриса ұлы Талас Өмірзақов режиссерлік еткен «Әмина» өмірбаяндық таспасының түсіріліміне қатысты.
Экрандағы ойынынан бөлек, ол фильмдерді қазақ тіліне дубляждаумен айналысты.
2001 жылы Қазақстанның Халық әртісі «Отан» орденімен марапатталды.
Әмина Өмірзақова 2006 жылдың 26 қыркүйегінде, 66 жасында өмірден өтті.
Актрисаны еске алу құрметіне орай өткізілетін ЮНЕСКО деңгейіндегі кеш отандық театр мен кино мәдениетінің жарқын жұлдызына деген үлкен құрметтің белгісі болып саналады.
.jpg)
1 пікір
Пікір қалдыру үшін
Мырзахмет
28 мамыр 2019, 05:20Она достойна. Это правда.