Зак Пенн «Матрица» франшизасын жаңартуды ұсынды
Былтырғы жылы Warner Bros. компаниясының «Матрицаның» жаңа бөлімін дайындап жатқаны белгілі болған еді. Сол жаңалыққа сәйкес, фильмдегі басты рөлді Майкл Б. Джордан сомдайтыны анықталған. Аталмыш жоба жас Морфеустің өміріне негізделуі мүмкін. Сценарист Зак Пенн («Бірінші ойыншы дайындалсын», «Кек алушылар») бұл фильмнің қайта жүктеу болмайтынын жеткізген болатын. Сондықтан, қайта жаңғырту болатын шығар.
Пенн үнемі ең сүйікті жобаларының бірі болған «Матрицаны» жаңартуды ұсынды: «Мен «Матрицамен» дәл қазір айналысудамын. Қазір белгілі бір фазада тұр. Бұл – қайта оралуын асыға күтіп жүрген франшиза, мен көп бөліктерін айта алмаймын, дегенмен бұл туралы ұзақ жылдар бойы Warner Bros-пен сөйлестім. Осылайша, бұл –шынайы жоба, мен оның жалғасымен жұмыс істеп келемін».
Пенн Матрица мен ОАЗИС екеуінің арасындағы ортақ дүниелердің көптігін білдірді және виртуалды кеңістіктерге назар аударып, салыстырды: «Матрица мен ОАЗИС – жер жүзі үшін тамаша идея. «Матрица» экранға шыққан соң, адамдар бұл ғажайыпқа тамсанып қарады. Мен бұл хикаяны жаңғыртуға дайынмын. Әрине, мен ессіз емеспін, барлығын түсінемін. Бұл франшиза көптеген адамдарға қызық, олар жалғасын көру үшін кинотеатрға баруға дайын».
пікірлер жоқ, бірінші болыңыз
Пікір қалдыру үшін