Зак Снайдер «Warner Bros.-тан» кетпейтін болды
Биылғы жылы наурыз айында «Бэтмен Суперменге қарсы. Әділеттіліктің ақ таңы» және «Әділеттілік одағы» фильмдері режиссерінің жеке басында өмірінің астан-кестеңін шығарған қайғылы оқиға болған еді. Оның үлкен қызы өз-өзіне қол салып, көз жұмған. Сол себепті, режиссер «Әділеттілік одағы» («Лига справедливости») жобасынан бас тартып, өзін толықтай отбасына арнауды жөн санаған. Зак Снайдер «Әділеттілік одағы» фильмінің билігін Джосс Уидонға бергеніне қарамастан, «Warner Bros.» студиясы оны қайтадан жобаға шақырып алды. «The Hollywood Reporter» басылымының хабарлауынша, режиссер студиямен жасалған эксклюзивті келісім-шартын созған. Ол жерде жазылған ережелерді бұрынғы жобалардан бөлек, жұмысқа қайта оралған соң кірісетін басқа да туындыларға таратқан.
Режиссердің өзі бастапқыда қайғылы ойлардан арылу үшін жұмыс істей беруді көздегендігін жасырмады. Бірақ, ақыры уақытының көп бөлігін отбасына арнауды ұйғарған.
«Warner Bros.» студиясының басшылығы «Әділеттілік одағы» («Лига справедливости») фильмінің тұсаукесер күнін ауыстыруды ұсынған еді. Бірақ режиссер картинаның продюсері болып саналатын әйелі екеуі бұл мүмкіндіктен де бас тартты.
Фильм тұсаукесері қараша айына жоспарланған.
пікірлер жоқ, бірінші болыңыз
Пікір қалдыру үшін