Жанар Дұғалова тұрмысқа шығады
Танымал әнші әрі актриса Жанар Дұғалова жақын арада Қазақстанның ең қызығарлық қалыңдықтар тобынан кетпек. Ол жақында тұрмысқа шығатынын білдірді. Бұл туралы әнші Qazaqstan телеарнасына берген сұхбатында кездейсоқ айтып қойды.
Журналистің сұрақтарына жауап берген Жанар Дұғалова жақында тұрмысқа шығатынын, болашақ жарының шоу-бизнеске мүлдем қатысы жоқ екенін де айта кетті. Тойдың қашан болатыны және әртістің жүрегін жаулаған адамның кім екені әзірге құпия болып отыр.
Бұрын жұлдызды Тәуекел Мүсіліммен қосатын. Алайда, Дұғалова бұл қауесетті жоққа шығарып, екеуін тек кәсіби қарым-қатынас қана байланыстыратынын түсіндірді.
Еске сала кетсек, Жанар Дұғалованың тек тамаша вокалды қабілеті ғана емес, сонымен қатар керемет актерлік шеберлігі де бар. Бойжеткен «Махаббатым жүрегімде» хикаясына және «Ғашық жүрек 2» мен «Наурыз.kz» толықметражды фильмдеріне түскен.
Превью: Жанар Дұғалованың Instagram-дағы жеке парақшасынан
.jpg)
пікірлер жоқ, бірінші болыңыз
Пікір қалдыру үшін