Дональд Трамптың Голливудтағы Даңқ аллеясындағы жұлдызы қайтадан құртылды
Бұл жағдай қайталанды. Сәрсенбі күні таңертең АҚШ-тың қазіргі президенті Дональд Трамптың Голливудтағы Даңқ аллеясындағы жұлдызы толығымен жойылғаны белгілі болды. Лос-Анджелес полициясының хабарлауынша, оқиға сәрсенбі күні түнгі сағат 3.30-да болған. Полиция патрулі келген кезде, қылмыскер ізін суытып үлгерген.
Шамамен таңғы 10:30-да қылмыскер анықталып, оған айып тағылды. Күдікті – 24 жасар Остин Микель Клэй вандализммен айыпталды. Ол 20 000 доллар көлеміндегі кепілмен түрмеге тоғытылды. Оның жасаған әрекеті әлі күнге дейін белгісіз.
NBC репортері Джонатан Гонсалес Twitter'гe былай деп жазды: «Полицияны қосқанда, біраз адамдар маған гитараның қабымен жүрген адам жайлы айтқан болатын. Кейін содан балға шотты алыпты. Содан соң, егер сенуге болатын болса, ол өзі полицияны шақырып, болған жәйт туралы хабарлаған да, олар келместен бұрын, ізін суытып үлгерген. Енді ол еш жерден табылмай отыр».
Президент жұлдызы екінші рет толығымен қиратылып отыр. 2016 жылы 53 жасар Джеймс Ламберт Отис балға шотпен жұлдызды қиратып жатқанын таспаға түсіріп алған. Кейін, сотта ол вандализм акті ретінде қылмыстық іс жасағанын мойындамай қойған.
пікірлер жоқ, бірінші болыңыз
Пікір қалдыру үшін