«Жұлдыз дүниеге келді»: Леди Гага тұсаукесерлі көрсетілімде жанкүйерлерін таңқалдырды
Леди Гага «Жұлдыз дүниеге келді» музыкалық мелодрамасының тұсаукесерлі көрсетілімінде жанкүйерлерін таңқалдырды. Бұл жобада танымал актер Брэдли Купер режиссер ретінде дебют жасады, ал белгілі әнші басты рөлді сомдады. Таспа сюжеті бойынша Леди Гага ешкімге белгісіз әндердің авторы Эллидің рөлін сомдады. Ол ішіп кеткен дарынды кантри-музыкант Джексон Мейнді шабыттандырып, музасына айналады.
«Бүгінгі кешке келгендеріңіз үшін барлықтарыңызға шын жүректен алғыс білдіремін», - деді «Грэмми» музыкалық жүлдесін иеленген әнші және өз туындыларының авторы өткен сәрсенбіде Нью-Йорк кинотеатрының залына жиналған қауымға қарап. Әрі қарай Леди Гага «Жұлдыз дүниеге келді» фильмінің режиссері және басты рөлді сомдаған Брэдли Купермен жұмысы туралы және өзінің актерлік тәжірибесімен бөлісті. Ол былай деді: «Брэдлимен жұмыс істегенім өмірімдегі ең маңызды сәттердің бірі болды. Ол менің осы рөлді сомдауым үшін біршама күресті».
Көрсетілім алдында танымал блогер Тайлер Окли әншіге: «Сіз «Жұлдыз дүниеге келді» фильмін қазіргі ұрпаққа әсер етеді деп үміттенесіз бе?», - деп сұрақ қойды. Жауабына ол поп-сахнада табысқа жеткен адамнан пайдалы кеңес естіді: «Өзіңіздің болмысыңызды сақтап қалуға тырысыңыз, күн сайын өзіндік меніңіз үшін күресіңіз».
«Жұлдыз дүниеге келді» музыкалық мелодрамасы осы аптада айналымға шықты. Афишамызды қарап жүріңіздер.
пікірлер жоқ, бірінші болыңыз
Пікір қалдыру үшін