Ерлан Нұрмұхамбетов

Нұрмұхамбетов Ерлан Маратұлы - режиссер, сценарист, дыбыс режиссері.

1974 жылы 23 шілдеде Оңтүстік-Қазақстан облысының Абай ауылында дүниеге келген.

Т. Жүргенов атындағы Қазақ ұлттық өнер академиясының «Кино және ТВ» факультетін, «Кинодраматургия» мамандығы бойынша бітірген (бакалавр, 1996-2000); өнертану (магистр, 1996-2002).

«Аsau art films» ЖШС Бас директоры.

Ұлттық өнер академиясында ұстаз (Алматы, 2008-2013); Қазақ Ұлттық өнер университетінде ұстаз (Астана, 2013 - ...).

Режиссер:

• 2014 – Жаңғақ тал / Ореховое дерево («Қазақфильм» АҚ және «Қадам» ЖШС)
• 2014 - Асу арманы (хикая, «Қазақстан» ТРК)
• 2013 - Базарбаевтар (хикая, ситком, «31 арна» ТРК)
• 2012 - Аңшы бала | Мальчик охотник («Қазақфильм» АҚ және «Asau Art films» ЖШС) – Голливудтағы International Family Film Festival Халықаралық кинофестивалінде «Үздік шетел драмасы» (2012, АҚШ); Египеттегі Каир балалар кинофестивалінің ресми қатысушысы (2012); Анападағы «Киномалышок 2012» XI балалар кинофестивалінде «Үздік балалар киносы» үшін Гран-при (Ресей);
• «ҚҰЛАГЕР-2012» Ұлттық киножүлдесінде 2012 жылғы үздік Қазақстандық балалар киносы;
• 2012 – Елес аңшылары / Охота за призраком - (MG Production) - екінші режиссер
• 2011 – Найзағай алдында / Перед грозой (к/к) -  сценарийдің қосалқы авторы және қоюшы-режиссер – 2011 жылы Қазақстандағы VII «Еуразия» ХКФ Гран-при; 2011 жылғы Токио халықаралық кинофестивалінің қатысушысы; 2012 жылы Мәскеудегі халықаралық кинофорумның қатысушысы; «Коттбус» халықаралық кинофестивалінің қатысушысы (Германия); «HEIMATFILM FESTIVAL» in Freistadt халықаралық кинофестивалінің қатысушысы  (Аустрия) 2013 жыл; Инсбрук қаласындағы 23 халықаралық кинофестивалінің Гран-при иегері (Аустрия).
• 2010 – «А» қаласында / В городе «А» (MG Production) - екінші режиссер
• 2010 - 999 (MG Production) - екінші режиссер
• 2010 – Серпіліс / Рывок («Қазақфильм» АҚ және «Қанайдар продакшн» ЖШС) – сценарийдің қосалқы авторы, екінші режиссер
• 2009 – Жаңалық / Прорыв («Хабар» АҚ)
• 2009 - Тыныштық (деректі)
• 2008 - Увертюра (қ/м)
• 2007 – Қош бол, Гүлсары! / Прощай, Гульсары! («Қазақфильм» АҚ және  «Ардфильм» ЖШС) - сценарийдің қосалқы авторы, режиссер (стажер) -  Астанадағы «Еуразия» ХКФ Гран-при (Қазақстан).
• 2003-2006 – Қызғалдақ / Тюльпан (реж. С. Дворцевой, Қазақстан, Ресей Германия, Швейцария) - екінші режиссер
• 2003 - Шиза (реж. Г. Омарова, Қазақстан, Ресей, Франция, Германия) – режиссердің көмекшісі
• 2002 – Кішкентай адамдар / Маленькие люди (реж. Н. Төребаев, Қазақстан, Франция) - екінші режиссер
• 2002 - Қыз ұрлау (қ/м) – Оберхаузен қаласындағы кинофестивальдің ресми қатысушысы (Германия); Берлиндегі арнайы көрсетілімдердің қатысушысы (Германия), Вашингтон қаласы (АҚШ)
• 2001 – Жұма / Пятница (қ/м) – Алматы қаласындағы «Жаңаша қара» кинофестивалінде үздік режиссура үшін жүлде алған (Қазақстан).
• 2000 – Парижге / В Париж (қ/м, 35 мм) – Визуль қаласындағы кинофестивальдің ресми бағдарламасының қатысушысы (Франция)
• 2000 – Жексенбі / Воскресенье (қ/м) – Алматы қаласындағы (Қазақстан) «Жаңаша қара» кинофестивалінде қазылар алқасының арнайы жүлдегері және Визуль қаласындағы кинофестивальдің ресми бағдарламасының қатысушысы (Франция); Оберхаузен қаласындағы кинофестивальдің ресми қатысушысы (Германия).
• 2000 – Жол / Дорога (реж. Д. Өмірбаев, Қазақстан, Франция) – режиссердің көмекшісі
• 1999 – Махаббат пен бәтеңкелер / Любовь и ботинки - Котбус қаласындағы кинофестивальдің қатысушысы (Германия)
• 1997 - Киллер (реж. Д. Өмірбаев, Қазақстан, Франция) – режиссердің көмекшісі

Дыбыс режиссері:

• 2008 – Афалиннің секіруі / Прыжок Афалины («Қазақфильм» АҚ және «Медетфильм» ЖШС) – дыбыс операторы
• 2005 – Мұстафа Шоқай / Мустафа Шокай (реж. С. Нарымбетов) - дыбыс операторының ассистенті
• 2004 – Күндізгі бақылау / Дневной дозор (реж. Т. Бекмамбетов, Ресей) – дыбыс режиссерінің ассистенті
• 2001 – Ләйләнің зары / Молитва Лейлы (реж. С. Нарымбетов) - дыбыс режиссерінің ассистенті