«Ресейдегі кино сыны: кеше және бүгін»: Василий Степанов XI Baiqonyr Film Festival аясында шеберлік сабағын өткізеді
XI Baiqonyr Film Festival аясында кино сыншысы, «Сеанс» журналының бас редакторы Василий Степанов «Ресейдегі кино сыны: кеше және бүгін» атты шеберлік сабағын өткізеді. Кездесуде қазіргі кино сынының жай-күйі, оның кино үдерісіндегі орны және мамандықтың қалай өзгеріп жатқаны сөз болады.
«Кино сыны өлді» деген пікір кейінгі бірнеше онжылдық бойы айтылып келеді. Алайда бұл жас сыншылардың мамандыққа келуіне де, кино туралы жаңа басылымдардың пайда болуына да кедергі болған жоқ. Шеберлік сабағында Василий Степанов бүгінгі Ресейдегі кино сыны немен өмір сүретінін талқылайды: кино туралы кім жазады, оны кім оқиды, мұндай мәтіндерді кім жариялайды және кәсіби сынсыз толыққанды кино үдерісі болуы мүмкін бе?
Кездесуде кино сынындағы қазіргі үрдістерге және фильмді талдау мен түсіндіру тәсілдерінің қалай өзгеріп жатқанына да назар аударылады. Василий Степанов Ресей медиасының мысалында кино сыншысының кәсіби жұмысы мен қазіргі кино саласындағы сынның орны туралы әңгімелейді.
Василий Степанов — кино сыншысы, Ресейдегі кино туралы жетекші басылымдардың бірі «Сеанс» журналының бас редакторы. Оның мақалалары «Коммерсантъ Weekend», «Русский репортёр», «Афиша», Empire басылымдарында, сондай-ақ OpenSpace.ru және Colta.ru платформаларында жарық көрген. «Дневник В. Степанова» Telegram-арнасының авторы. Сонымен қатар Василий Степанов «Послание к человеку» халықаралық кинофестивалінің іріктеу комиссиясын басқарады.
Шеберлік сабағы 22 қыркүйекте сағат 11:00-ден 11:50-ге дейін XI Baiqonyr Film Festival бағдарламасы аясында өтеді.
Форум ТМД-ға қатысушы мемлекеттердің гуманитарлық ынтымақтастық жөніндегі мемлекетаралық қорының қолдауымен өтеді.
пікірлер жоқ, бірінші болыңыз
Пікір қалдыру үшін