Айсұлтан Сейітов L'One-нің «Жол» атты бейнебаянына режиссерлік етті
Жақында рэп орындаушы L'One және әнші Jasmine екеуінің «Жол» атты бейнебаяны жарыққа шықты, туындының режиссері Айсұлтан Сейітов болды. Ғаламтор қолданушылары бейнебаянға жақсы бағаларын беріп үлгерді.
«Тобымыз көп еңбектеніп, бейнебаянға бар ықыластарын салды! Біз ыстық Гонг-Конгтың арасында камерамен бірге жүгіріп жүрдік, Қапшағайда нөсер жауынның астында қалдық, сондай-ақ, Jasmine үшін қатты алаңдадық, себебі жеңіл көйлекпен қайықта отырған кезінде, артынан жауын араласқан жел соғып тұрды... Бірақ, нәтижесіне риза болдым, тобымызбен бірге жақсы туынды жасай алдық! L'One-ге сенім білдіргені үшін алғыс айтамыз!»,-деп жазған Айсұлтан өзінің Инстаграм парақшасына.
«Жол» бейнебаянынан көрініс
Жас режиссер L'One-мен бірінші рет жұмыс істеп отырған жоқ. Алдыңғы жолдары «Алғашқылар дәуірі» және «Медальға медаль» бейнебаяндарымен айналысқан болатын.
Сонымен қатар, бейнебаян түсіріліміне қоюшы-оператор Азамат Дулатов атсалысты.
Айта кету керек, Айсұлтан Иван Дорнмен, Noize MC және Монеточкамен, сондай-ақ Скриптонитпен, T-Fest-пен бірге жұмыс істеп келеді.
Превью: gq.ru
пікірлер жоқ, бірінші болыңыз
Пікір қалдыру үшін